Pas qarkullimit në rrjet të një tjetër materiali filmik, për të cilin pretendohet se lidhet me një ish-pjesëmarrës të programit “Gjeniu i Vogël”, ka reaguar Elton Tozaj.
Përmes një postimi në rrjetet sociale, Tozaj është shprehur se një nga shqetësimet e tij më të mëdha gjatë ditëve të fundit ishte pikërisht mundësia që të dilnin materiale të tjera që, sipas tij, lidhen me persona të këtij programi.
“Një nga frikërat më të mëdha që kam patur këto ditë qe nëse do dilte dikush nga ‘Gjeniu i Vogël’! Ditën e djeshme qarkulloi një tjetër material filmik, pikërisht me një djalë të dalë nga aty! Po sot ku jeni? Po sot jetë private do e quani? Po sot përsëri unë do e kem fajin që e çoj zërin? Po sot përsëri unë bëra krimin dhe jo pedofili dhe jo maniaku? Turp”, shkruan Tozaj.
Reagimi i tij vjen në një moment kur në rrjet po qarkullojnë pretendime dhe materiale që kanë shkaktuar debat të fortë publik. Megjithatë, përmbajtja dhe rrethanat e videove të përmendura nuk duhen konsideruar të verifikuara vetëm mbi bazën e postimeve në rrjetet sociale, ndërsa çdo pretendim penal mbetet çështje për t’u sqaruar nga institucionet përkatëse.
