Një ngjarje e rëndë ka ndodhur pasditen e sotme në Dibër ku një 22-vjeçare raportohet se është mbytur në lumin Drini i Zi, në afërsi të Njësisë Administrative Arras.
Burime për mediat bëjnë me dije se ngjarja ka ndodhur para pak minutash, ndërsa thuhet se trupi i të resë po dërgohet për në morgun e Spitalit të Peshkopisë. Pritet që rezultatet e autopsisë të zbardhin ngjarjen e plotë.
Sakaq, bëhet me dije se në vendngjarje ndodhen autoritetet vendase të cilat kanë nisur hetimet për zbardhjen e plotë të rrethanave dhe shkaqeve të mbytjes.
