Dy aksidente të rënda janë regjistruar ditën e sotme në lagjen 15 të qytetit të Durrësit, në rrugën që lidh Spitallën me Porto Romanon.
Mësohet se në njërin prej aksidenteve, drejtuesi i mjetit ka humbur kontrollin dhe është përmbysur në rrugë teksa udhëtonte me të atin. Të dy janë dërguar në spital, ku ndodhen jashtë rrezikut për jetën.
Kujtojmë se tre ditë më parë, në këtë lagje Nikoll Radaçi përplasi për vdekje dy të mitur dhe la të plagosur rëndë një të tretë. / Top Channel
