Nën dyshimet se i kishte siguruar nga trafikimi i lëndëve narkotike, Prokuroria e Beratit ka vendosur sekuestro mbi 12 pasuri dhe dy makina në pronësi të Donald Lavdarit dhe familjarëve të tij.
Sipas organit të akuzës, Lavdari, i cili po hetohet prej vitit 2018 nën akuzën e “pastrimit të parave” rezulton i përfshirë në trafikun e drogës në Spanjë dhe Greqi ku dhe është dënuar. Që orej vitit 2017, ai ndodhet i burgosur në Spanjë.
Prokuroria e Beratit dyshon se të ardhurat e siguruara nga aktiviteti kriminal Lavdari i ka investuar në Shqipëri dhe kryesisht në qytetin e Poliçanit, ku edhe banon, me blerjen e disa apartamenteve dhe dyqaneve për veten dhe familjarët e tij
Lavdari një pjesë të investimeve i ka edhe në fushën e tregtisë ushqimore, bar-kafeve dhe ushqimit të shpejtë.
Sipas njoftimit zyrtar të prokurorisë, ndër pasuritë e sekuestruara rezultojnë: një apartament me sipërfaqe 66 m² në Skrapar, si dhe 11 pasuri të tjera të paluajtshme, lloji i të cilave nuk qartësohet në njoftimin e prokurorise, por që rezultojnë të jenë në një nga lagjet qendrore të Poliçanit. Në listen e pasurive të sekuestruara janë dhe dy automjete të markës Mercedes-Benz.
Spas Prokurorisë, këto pasuri nuk justifikohen me burime të ligjshme.
Donald Lavdari ka qenë një ndër shënjestrat e Operacionit Forca e Ligjit, njohur si OFL, strukturë e cila pati si synim pasuritë e personave të dyshuar për përfshirje në aktivitete kriminale.
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Pasuritë e sekuestruara
– ZK 3019, volum 10, nr. Pasurie 3/175-N2, me status regjistrim i përkohshëm, në pronësi të shtetasit D.L.;
– ZK 3019, volum 7, nr. pasurie 11/75+1-9, në pronësi të shtetasit D.L.;
– ZK 3019, volum 7, me status regjistrim i përkohshëm në Z.V.R.P.P Berat;
– ZK 3019, volum 7, nr. pasurie 11/75-1-9, me status aktiv në Z.V.R.P.P Berat;
– ZK 3019, vol 17, nr.pasurie 12/201-N8 me status regjistrim i përkohshëm;
– ZK 3019, vol 17, nr. pasurie 12/200-2+9 me status regjistrim i përkohshëm;
– ZK 3019, vol 5, faqe 48, nr. pasurie 12/206-2+9 me status regjistrim i përkohshëm;
-ZK 3019, vol 10, faqe 45, nr. pasurie 12/206 me status regjistrim i përkohshëm;
– ZK 3019, vol 16, nr. pasurie 12/206-N17 me status aktiv;
-ZK 3019, vol 10, faqe 45 me numër pas 12/206 me regjistrim të përkohshëm në Berat;
– Sipërfaqe 48(dyzet e tete) në Skrapar, në ZK 3019;
– Apartament me sipërfaqe prej 66 m2, në Skrapar;
– Automjet i markës Mercedes Benz në pronësi të shtetasit D.L.; dhe
– Automjet i markës, Mercedes Benz, E270CDI.