Pas fotos së publikuar me Michelle, vajzën që bashkëshorti i Alketa Vejsiut, Adriani, ka nga martesa e parë, moderatorja është përballur me komente të shumta në rrjetet sociale.
Një nga komentueset i shkroi Alketës në Instagram:
“Dmth qenke martuar me nje burr te martuar ose je futur ne mes atij edhe sa mir e pranon qe ka nje femij nga martesa e tij e 1”
Komentit nuk i ka shpëtuar reagimi i moderatores, e cila vendosi t’i përgjigjej publikisht dhe pa hezitim. Alketa shkroi:
“Një burrë yll që ish single kur e takova”
Reagimi i saj ka marrë menjëherë vëmendje në rrjet, ndërsa shumë ndjekës kanë komentuar qetësinë dhe mënyrën direkte me të cilën moderatorja iu përgjigj akuzës.
Debati nisi pasi Alketa publikoi një dedikim shumë të ndjerë për Michelle, të cilën e quajti “motra e madhe e dy fëmijëve të mi”, duke treguar raportin e afërt familjar që kanë ndërtuar ndër vite.
