Historia sentimentale e Rizarta Hoxhës merr një tjetër kthesë vetëm pak ditë pasi emri i saj u lidh me Arbër Çepanin.
Gjithçka nisi kur Elton Tozaj publikoi një fotografi ku pretendohej se Rizarta dhe Arbëri shfaqeshin së bashku me valixhe në aeroport. Pamjet ngritën menjëherë dyshime për një romancë, ndërsa u raportua se dyshja mund të kishte kaluar edhe disa ditë së bashku në Spanjë.
Por tashmë Tozaj ka publikuar një tjetër material që e bën historinë edhe më intriguese.
Në videon e shpërndarë në Instagram Story prej tij, një vajzë që Tozaj e paraqet si Rizarta Hoxha shihet duke shkëmbyer një puthje me një djalë. Personi në video nuk duket se është Arbër Çepani.
Tozaj e ka shoqëruar videon me fjalën “UPS”, ndërsa ka ngritur një pyetje që duket se lidhet drejtpërdrejt me lajmet e ditëve të fundit: “Para apo pas udhëtimit në Spanjë?”
Pikërisht ky detaj ka ngritur pikëpyetje të reja, pasi koha kur është realizuar videoja nuk bëhet e ditur. Për këtë arsye, pamjet nuk provojnë se ka pasur mbivendosje mes historive sentimentale apo se Rizarta dhe Arbëri kanë qenë realisht çift.
Madje, pavarësisht raportimeve të shumta të ditëve të fundit, Rizarta Hoxha dhe Arbër Çepani nuk rezultojnë ta kenë konfirmuar vetë publikisht një lidhje mes tyre.
Tashmë mbetet për t’u parë nëse Rizarta do të reagojë pas videos së publikuar nga Elton Tozaj dhe do të sqarojë se kush është djali në pamje dhe, mbi të gjitha, kur është regjistruar puthja.
