Sipas materialeve të publikuara nga dosja e njohur si “Aruba”, përgjimet e personave të dyshuar si pjesë e një grupi kriminal të trafikut të drogës përfshijnë biseda ku diskutohet për investime në sektorin e ndërtimit, projekte luksoze dhe interes për përfitimin e tenderëve, veçanërisht gjatë periudhës së rindërtimit pas tërmetit të vitit 2019. Në këto komunikime përmenden si zona me interes bregdeti i jugut, plazhet, Tirana dhe qytete të tjera kryesore. Në të njëjtën kohë, ish-zëvendëskryeministri Arben Ahmetaj është përmendur në debatin publik lidhur me këtë dosje, ndërsa vetë ai ka mohuar akuzat ndaj tij dhe, në intervista e deklarata publike, ka akuzuar kryeministrin Edi Rama, duke pretenduar se ai priste persona të përfshirë në trafikun e drogës në zyrën e tij.
Materialet e dosjes kanë nxitur debat politik dhe institucional, ndërsa autoritetet vijojnë hetimet mbi përmbajtjen e përgjimeve dhe lidhjet e mundshme mes grupeve kriminale dhe interesave në sektorin e ndërtimit. Deri më tani, pretendimet e përmendura në përgjime dhe deklaratat politike mbeten pjesë e procesit të verifikimit dhe nuk përbëjnë prova të konfirmuara nga një vendim gjykate të formës së prerë. Personat e përmendur gëzojnë prezumimin e pafajësisë deri në një vendim përfundimtar të drejtësisë.
Biseda në Sky ECC:
7B9F5E: Ahmetaj, ç’a thotë Derman?
7B9F5E: Për rindërtimin nga tërmeti.
NY6N4T: Ke folur vetë me të ti, se Adin e merr shumë seriozisht ai.
7B9F5E: Është në rregull, do fakte, projekte serioze.
7B9F5E: Po, po. Disa herë në plazh, në Palasë, bashkë rrinim
