Gjatë protestës së zhvilluar para Kryeministrisë në Tiranë, një qytetar ka mbajtur një fjalim me tone të forta, duke iu referuar ngjarjeve të 21 janarit 2011.
Ai deklaroi se ka qenë i pranishëm edhe në protestën e asaj dite, duke theksuar se katër viktimat e asaj ngjarjeje kanë qenë miq të tij, të cilët, sipas tij, u vranë në rrethana që kërkojnë ende drejtësi.
Protestuesi bëri thirrje për ndërhyrje të institucioneve të drejtësisë, duke kërkuar që SPAK të zbardhë plotësisht ngjarjen dhe të mbajë përgjegjës ata që, sipas tij, janë përgjegjës.
Ai përmendi me emra viktimat e 21 janarit 2011 dhe shprehu revoltë ndaj klasës politike, duke akuzuar dy figura kryesore të politikës shqiptare për ngjarjen, sipas pretendimeve të tij.
