Debatet dhe tensionet në “Big Brother VIP Albania” vazhdojnë të jenë në qendër të vëmendjes, por këtë herë reagimi nuk ka ardhur vetëm nga brenda shtëpisë, por edhe nga jashtë saj.
Përmes një postimi në rrjetet sociale, familjarët e Selinit kanë reaguar ashpër ndaj situatës së krijuar, duke hedhur poshtë çdo aludim për një lidhje apo ndjenja nga ana e saj. Në deklaratën e publikuar, ata shprehen se është e papranueshme që një burrë i martuar, në moshën 47-vjeçare, të mundohet të krijojë një histori me një vajzë 23-vjeçare, sidomos kur kjo e fundit ka vendosur të mbajë distancë.
Sipas tyre, Selin nuk ka pasur kurrë asnjë ndjenjë ndaj tij, duke e cilësuar raportin thjesht si korrekt dhe brenda kufijve të lojës. Ata theksojnë se nuk ka pasur as flirt, as interes dhe as sinjale të dykuptimta, ndryshe nga çfarë është përfolur.
“Selin nuk ka pasur kurrë asnjë ndjenjë. Zero. Ka pasur vetëm raport loje dhe korrektesë njerëzore,” thuhet në reagim, duke sqaruar edhe pse nuk kanë reaguar më herët për këtë situatë.
Familjarët shtojnë se Selin gjithmonë ka zgjedhur të mbrojë veten me dinjitet, por tentativa për ta paraqitur atë si një vajzë që ka ndjenja, vetëm për të justifikuar situatën, është e papranueshme dhe e ulët.
Në fund të mesazhit, ata nënvizojnë se publiku është i vetëdijshëm për atë që po ndodh dhe di të gjykojë drejt: “Publiku e sheh. Publiku e kupton.”
Ky reagim pritet të shtojë edhe më shumë tensionet rreth kësaj situate, ndërsa mbetet për t’u parë nëse do të ketë një përgjigje nga ana e personit të përfshirë apo një reagim nga produksioni në spektaklin e radhës.
