Një përpjekje për vjedhje në një banesë në Drimo, pranë Selanikut, përfundoi keq për dy hajdutët, të cilët u lënduan rëndë duke rënë nga ballkoni teksa tentonin për t’u larguar. Mediat fqinje raportojnë se ngjarja ndodhi të premten në mbrëmje (22 nëntor) , kur dy autorët shqiptarë, të moshës 33 dhe 35 vjeç, hynë në një apartament dhe vodhën bizhuteri, dy telefona celularë, sende personale dhe 615 euro.
Ata u vunë re nga pronari i shtëpisë ndërsa po kthehej, duke i bërë ata të panikoheshin dhe të tentonin të iknin nga ballkoni. Hajdutët tentuan të largoheshin nga ballkoni, por ranë nga një lartësi rreth 6 metrash, duke u lënduar. Një video e transmetuar mediat greke tregoi momentet pas rënies, ndërhyrjen e ekipit të shpëtimit dhe ndihmën e parë që iu dha nga vetë pronari.
Të dy u dërguan në spitalin “Papageorgiou”, ndërkohë që forcat e rendit po kërkojnë një të tretë, që dyshohet se u largua me automjet para mbërritjes së policisë.
