Pas deklaratave të forta dhe mjaft personale të Bes Kallakut, që rikthyen në qendër të vëmendjes divorcin më të komentuar të showbiz-it shqiptar, duket se edhe Xhensila Myrtezaj ka zgjedhur të reagojë, por në mënyrën e saj, nga skena.
Gjatë një koncerti të mbajtur së fundmi, këngëtarja surprizoi publikun kur interpretoi këngën “Mashtruese”, bashkëpunimin e saj me këngëtarin Bardhi. Ajo që nuk kaloi pa u vënë re ishte mesazhi që Xhensila përcolli përpara se të niste performancën.
“Për të gjithë mashtruesit, se mashtruese nuk ka,” u shpreh këngëtarja, një fjali që menjëherë u interpretua nga publiku si një thumb i drejtpërdrejtë dhe një reagim i koduar ndaj situatës personale dhe deklaratave të ish-bashkëshortit të saj.
Nëse ky ishte thjesht një mesazh artistik apo një reagim i drejtpërdrejtë ndaj ish-partnerit, mbetet për t’u parë. Por një gjë është e sigurt: historia mes Bes Kallakut dhe Xhensila Myrtezajt vazhdon të mbajë publikun të mbërthyer, edhe pas ndarjes.
