Një moment aspak i këndshëm televiziv është shënuar në studion e sportit të Radio Televizionit Shqiptar, ku moderatorja Hygerta Sako, dhe të ftuarit e saj janë tallur hapur me lojtarin e Burrelit, Arnold Kwaku Siaw. Moderatorja dhe të ftuarit kanë kryer një akt racizmi të pastër, në drejtim të lojtarit të Burrelit, i cili u shpall dhe lojtari i ndeshjes së të dielës, ku Burreli fitoi në shtëpi ndaj Pogradecit, në ndeshjen e vlefshme për javën e 11-të të Kategorisë së Parë.
Fillimisht Sako i thotë gazetarit në terren se nuk mund të shqiptonte dot emrin e lojtarit dhe më pas si ‘qershi mbi tortë’, studio pushtohet nga të qeshurat, aq sa situata duket në kufijtë e absurdit.
“Erkand, thashë po ia lë Erkandit të thotë emrin, se unë e kisha të vështirë për ta lexuar…. Nuk po e komplikojmë më shumë situatën, dhe nuk kemi pyetje (vazhdon të qeshë)”, ndërkohë që vazhdon ‘kishte probleme ledi…”, duke iu referuar ngjyrës së lëkurës së gjyqtarit.
Për më shumë ndiqni videon e mëposhtme
Për situatën reagoi dhe faqja e KF Burrelit në Instagram, duke shkruar:
“Në një emision televiziv sportiv, u bë një akt i turpshëm bullizmi dhe talljeje ndaj lojtarit tonë Siaw, i cili me profesionalizëm e përulësi po përfaqëson me nder Burrelin.”
