Një burrë që u paraqit si baba i foshnjave shqiptarë për të përfituar pasaporta britanike është dënuar me gjashtë vite burg.
Gerald Cera, 28 vjeç, me origjinë nga Shqipëria por me shtetësi britanike, u shpall fajtor për komplot për ndihmën në imigrim të paligjshëm në Mbretërinë e Bashkuar. Ai u përdor si baba i tetë fëmijëve shqiptarë midis shtatorit 2022 dhe gushtit 2024 për të mbështetur aplikime të rreme për pasaporta.
Cera u arrestua në Aeroportin e Lutonit më 16 shkurt 2025 dhe gjithashtu u gjet fajtor për refuzim bashkëpunimi me policinë, duke mos dhënë fjalëkalimet e telefonit dhe laptopit të tij. Hetimi zbuloi se ai kishte përdorur pasaportën dhe certifikatën e natyralizimit të tij për të mbështetur pretendimet.
Prokurorët thanë se vetëm për një nga foshnjat arritën të siguronte mostër ADN për të provuar se ai nuk ishte baba. Cera ishte gjithashtu i lidhur me një tjetër mashtrues që pretendonte të ishte baba i 13 foshnjave të tjera shqiptare për aplikime të tjera për pasaporta britanike.
Roma Karampatsi, prokurore e lartë, tha:
“Historia e Cera-s ishte e mbushur me pasaktësi. Ai minoi sistemin e imigracionit britanik duke kërkuar në mënyrë mashtruese shtetësi për ata që nuk kishin të drejtë.”
MP Alex Norris, ministër për sigurinë kufitare dhe azilin, shtoi:
“Nuk do të lejojmë që banda kriminale të shfrytëzojnë fëmijët për të fituar para shpejt duke keqpërdorur sistemin tonë të imigracionit.”
