Dorian Puka
Dorian Puka ka organizuar një festë me shampanjë për të festuar qëndrimin e tij ende në Britani, 10 vjet pasi u urdhërua të largohej. Për 29-vjeçarin media britanike The Telegraph i ka kushtuar sërish një artikull. Puka, i cili është burgosur dhe deportuar dy herë për vjedhje me thyerje përpara se të kthehej fshehurazi në vend, e shënoi këtë moment historik me një festë VIP në një klub, i rrethuar nga valltare burleske dhe shampanjë me vlerë mijëra paund.
Puka punësoi një seksion VIP të Cirque le Soir, një vend i preferuar i personazheve të famshëm të listës A dhe më pas postoi pamjet në faqen e tij të Instagram-it.
Në shkrim thuhet se Dorian Puka, 29 vjeç, i cili është burgosur dhe deportuar dy herë për vjedhje me thyerje përpara se të kthehej fshehurazi në vend , e shënoi këtë moment historik me një festë VIP në një klub, i rrethuar nga valltare dhe shampanjë me vlerë mijëra paund. Puka, një shqiptar me precedentë penal në Britaninë e Madhe, ka përdorur rrjetet sociale për të sfiduar hapur autoritetet britanike ku shfaqen makina luksoze si Ferrari dhe Lamborghini, si dhe koleksione orësh Rolex.
Ministria e Brendshme ka pranuar se është e pafuqishme ta largojë përsëri Pukën derisa kërkesa e tij për azil të jetë dëgjuar plotësisht, por ka paralajmëruar se kriminelët e huaj nuk duhet të kenë “asnjë dyshim” për zbatimin e ligjit.
Puka u burgos fillimisht më 17 shkurt 2015, pasi u kap duke vjedhur një shtëpi në Twickenham, në jugperëndim të Londrës, ndërsa pronari ishte me pushime në Francë. Pronari e pa krimin të zhvillohej në kamerat e sigurisë dhe thirri policinë. 29-vjeçari u burgos për nëntë muaj dhe “pranoi” të largohej nga Britania pas lirimit të tij. Por brenda një viti, ai kishte arritur t’i shmangej kontrolleve kufitare dhe të kthehej në Mbretërinë e Bashkuar për të kryer një sërë vjedhjesh të tjera në periferi të Londrës.
Shqiptari u burgos për tre vjet e gjysmë dhe më pas u deportua në mars të vitit 2020. Gjatë kohës së tij në një burg në Mbretërinë e Bashkuar, Puka fitoi famë të keqe për përdorimin e një telefoni celular të futur kontrabandë në burg për të postuar foto të vetes në Instagram. Ai pozoi përkrah udhëheqësit të një grupi të krimit të organizuar, i cili po vuante një dënim me 12 vjet burg për komplot për furnizim me kokainë dhe pastrim parash.
Pasi u kthye në Shqipëri për disa muaj, ai udhëtoi nëpër Gjermani, Belgjikë dhe Holandë përpara se të kalonte kontrollet kufitare për të hyrë përsëri në Britani në dhjetor 2020, sipas llogarisë së tij në Instagram.
