Një hyrje e papritur ka trazuar mbrëmjen e sotme në shtëpinë e Big Brother VIP Albania. Stelina është futur në lojë gjatë prime-it, duke u vendosur në hapësirën e njohur si akuariumi, një zonë që i lejon të vëzhgojë nga afër banorët dhe dinamikat brenda shtëpisë.
Hyrja e saj ka ngritur menjëherë kureshtje dhe reagime, pasi Stelina ka një histori të njohur me një nga banorët aktualë të shtëpisë, Keijsi. Keijsi u bë pjesë e Big Brother VIP Albania në prime-n e kaluar, duke rikthyer në vëmendje emrin e tij për publikun shqiptar.
Ai u bë i njohur fillimisht përmes pjesëmarrjes në reality show-n Përputhen, ku u dallua për paraqitjen dhe karakterin e tij. Gjatë këtij formati, Keijsi u deklarua për Stelinën, duke krijuar një çift që u komentua gjerësisht në rrjete sociale. Megjithatë, marrëdhënia e tyre nuk zgjati dhe më pas ai u përjashtua nga programi.
Tashmë, me Stelinën brenda mureve të shtëpisë edhe pse jo ende si banore aktive vëmendja është përqendruar tek një përballje e mundshme mes dy ish-partnerëve dhe ndikimi që kjo situatë mund të ketë në lojë. Publiku pret të shohë se si do të reagojë Keijsi dhe nëse e shkuara do të rikthehet sërish në qendër të vëmendjes në ditët në vijim.
