Në zonën e lumit të Lanës në Tiranë është vënë re prej kohësh një fenomen shqetësues që lidhet me sjellje të papërshtatshme në publik. Në këtë video shihen dy persona gjatë orëve të mbrëmjes dhe natës, duke kryer marrëdhënie, veprime që bien ndesh me normat e moralit dhe rendit publik.
Kjo zonë prej vitesh njihet si një prej vendeve më problematike të kryeqytetit për sjellje të pahijshme në publik. Përgjatë lumit të Lanës janë bërë të shumta denoncimet për persona që urinojnë apo kryejnë veprime të tjera të papërshtatshme në hapësira të hapura, shpesh në sy të kalimtarëve. Pavarësisht ankesave të përsëritura dhe publikimeve të vazhdueshme në rrjetet sociale, situata vijon pa ndërhyrje të dukshme nga autoritetet përkatëse.
Përgjatë viteve, autoritetet kanë ndërmarrë aksione sporadike për pastrimin dhe sistemimin e Lanës, por nuk është bërë asnjë ndërhyrje serioze për të garantuar rend publik dhe siguri në këtë hapësirë.
Ekspertët e sigurisë publike theksojnë se sjelljet e tilla përbëjnë shkelje të rregullave të bashkëjetesës qytetare dhe mund të ndëshkohen me gjoba apo masa administrative, por në mungesë të zbatimit praktik, problemi vazhdon të mbetet i pranishëm. Kjo situatë kërkon vëmendje urgjente nga institucionet përkatëse, në mënyrë që hapësirat publike të mos kthehen në vende ku mungon çdo standard i rregullit dhe i sjelljes qytetare.
