Një ngjarje e rëndë po trondit komunitetin e Përmetit. Tre qytetarë janë zhdukur në të njëjtën vijë rrugore gjatë dy viteve të fundit, duke krijuar një situatë shqetësuese dhe misterioze që ka alarmuar banorët e zonës.
Agron Çumani është parë për herë të fundit para tre ditësh në segmentin e vjetër të rrugës Përmet–Lëshicë. Që prej asaj dite, familjarët nuk kanë asnjë kontakt me të, ndërsa kërkimet e policisë deri më tani nuk kanë dhënë asnjë rezultat.
Në të njëjtin segment rrugor, janë regjistruar edhe dy zhdukje të tjera misterioze:
Niko Dhimitri, humbur në rrethana të paqarta rreth dy vite më parë.
Filip Kristidhi, i cili po ashtu është zhdukur pa lënë gjurmë në të njëjtën zonë.
Asnjë nga këta persona nuk është gjetur deri më sot, pavarësisht kërkimeve të vazhdueshme dhe hetimeve të deklaruara nga autoritetet.
Kjo situatë ka ngritur shumë pyetje tek banorët e zonës. Pse nuk po kryhen hetime të thelluara në këtë vend? Pse nuk janë marrë në pyetje personat dyshuar? A ka dikush që fshihet pas kësaj misteri, ndoshta dikush i sëmurë mendërisht ose i rrezikshëm që mund të jetë pas kësaj humbjeje të papritur? Këto janë pyetje që vazhdojnë të mbeten pa përgjigje.
Çdo vit, një përmetar zhduket pa asnjë shpjegim në këtë segment të rrugës.
