Ish-banorja e “Big Brother VIP 3”, Dea Vieri, ka bërë disa deklarata të forta së fundmi, duke prekur një temë që shpesh diskutohet, por rrallë thuhet hapur.
E pyetur mbi sinqeritetin në marrëdhëniet mes vajzave dhe djemve, Dea u shpreh se jo rrallëherë vajzat zgjedhin të mos tregojnë të vërtetën, sidomos kur bëhet fjalë për eksperiencat e tyre të mëparshme.
Sipas saj, ekziston ende një mentalitet ku disa vajza preferojnë të paraqiten ndryshe nga ç’janë në të vërtetë, duke pretenduar se partneri aktual është i pari apo i dyti në jetën e tyre, ndërkohë që realiteti mund të jetë ndryshe.
Në vijim të deklaratës, ajo shtoi se ka edhe raste kur vajza të caktuara “shtiren”, madje duke përmendur edhe emrin e Brikena Selmani, për të cilën la të kuptohet se nuk i beson deklaratat që bën për veten.
Dea u ndal edhe tek mënyra si disa persona përpiqen të krijojnë një imazh ideal për veten, duke theksuar se shpesh deklaratat “perfekte” për sjelljen apo stilin e jetesës janë më shumë për të ngritur veten në sytë e të tjerëve, sesa për të reflektuar realitetin.
Pjesë nga intervista:
A gënjejnë vajzat shqiptare kur i thonë një mashkulli që ti je i pari për mua?
Normale që po.
Ose maksimumi i dyti se i pari më lëndoi.
Po ne kemi ende vajza që shkojnë e qepen. Kemi edhe vajza që shtiren sikur janë virgjëresha, më kujtohet pak edhe Brikena.
Pse?
Se më duken gënjeshtra të gjitha ato thotë ‘unë nuk dal, unë nuk bëj, unë rri në shtëpi, dua të jetoj me vjehrrën, nuk bëj ashtu, nuk bëj kështu’. Të gjithë ata që flasin për veten, se është një lloj ‘superlative’, për t’a ngritur veten e vet lart. Por mendoj se janë gënjeshtra. Emrin e një vajze që gënjen mund t’a them, Brikena gënjen për shumë deklarata që bën për veten e vet dhe për ato që pretendon se është.
