Bashkëshortja e autorit të vrasjes së 11-vjeçares në Ilia, ka folur për ANT1 dhe emisionin “Mirëmëngjes Greqi”.
Lidhur me zjarrin e rënë dje në shtëpinë e tyre pas kësaj ngjarje të rëndë, ajo tha se “ po, ishte shtëpia ku jetonin fëmijët ”, duke shtuar se për fat të mirë asnjë nga fëmijët e saj nuk ndodhej brenda në momentin e rënies së zjarrit, madje as ajo vetë. “Mamaja ime më thirri dhe më tha. Ishte rreth një orë pas varrimit, por nuk e di se çfarë dhe si… Dy persona kishin shkuar atje dhe kishin vënë zjarrin dhe e gjithë pjesa e përparme ishte shkatërruar.’
Ajo shpjegoi se nuk dëshiron të ketë më asgjë me burrin e saj, duke thënë: “Cila femër do të donte të kishte një marrëdhënie me të? Shumë më akuzojnë për këtë dhe mund të kenë të drejtë që nuk e kuptova. Po, e dija (e qartë për shkak të akuzës për përdhunim që rëndoi mbi të), por të gjithë besuan, i gjithë fshati besonte se ai ishte i pafajshëm. Unë kisha marrë avokatin e tij dhe ai më tha se gjithçka ishte në rregull. Ai do të shpallet i pafajshëm në Gjykatën e Apelit. Dhe aty u binda. Asnjë fëmijë nuk e meriton atë që pësoi Vasiliku. Unë dhe Lulia jemi motra, shoqe fëmijërie. E kam konsideruar si motrën time dhe do ta bëj gjithmonë dhe do të doja shumë të isha me të tani me atë që po kalon”.
“Nuk dua ta shoh dhe shpresoj të dalë i vdekur prej andej. Për mua nuk ekziston”, ka shtuar më pas.
Frika për një hakmarrje në Pirgos pas vrasjes së 11-vjeçares
ELAS është vënë në alarm për shkak të valës së zemërimit që është përhapur në Pirgos për vrasësin e 11-vjeçares Vasiliki .
Oficerët e policisë janë në lëvizje pasi është e dukshme frika e një sherri me rezultate të paparashikueshme.
Çfarë ndodhi dje të mërkurën gjatë funeralit të vajzës 11-vjeçare, kur siç raportojnë mediat vendase, të panjohurit i vunë flakën banesës ku autori jetonte me familjen në shenjë hakmarrjeje.
Në momentin e zjarrvënies, asnjë anëtar i familjes së 37-vjeçarit nuk ndodhej në zonë pasi të gjithë të afërmit e tij thuhet se janë larguar tashmë nga fshati, nga frika e hakmarrjes.
Ajo që shqetëson autoritetet tani është nëse situata mund të përshkallëzohet më tej dhe të arrijë nivele të rrezikshme.
Të afërmit dhe miqtë e familjes së Vasilikit ende nuk po arrijnë të kuptojnë tragjedinë që trokiti në derën e tyre. Zemërimi i tyre vërshon, siç u pa të martën (6/11) kur tentuan të linçonin vrasësin 37-vjeçar, kur ai po mbërrinte me një makinë patrulle në gjykata për të kërkuar falje.
Për këtë, në fakt, prokurorit i është dashur të shkojë në Drejtorinë e Policisë, për të ngritur kallëzim ndaj tij.
