Reperi i njohur botëror thuhet se ka nisur një lidhje romantike me bashkëpunëtoren e tij të vjetër, e njohur për punën me yje si Snoop Dogg, 50 Cent dhe Robin Thicke.
Reperi i famshëm Eminem duket se ka gjetur dashurinë pranë grimeres dhe stilistes me origjinë shqiptare, Katrina Malota. Sipas burimeve të TMZ, marrëdhënia mes artistit 52-vjeçar dhe bashkëpunëtores së tij të ngushtë ka marrë së fundmi një kthesë romantike, megjithëse nuk dihet ende se kur ka nisur saktësisht lidhja.
Katrina Malota, e cila jeton në Michigan, ka qenë pjesë e ekipit të Eminem për vite të tëra, duke punuar me të në videoklipe dhe projekte të ndryshme muzikore. Përveç bashkëpunimeve me reperin, portofoli i saj përfshin edhe emra të njohur si Snoop Dogg, 50 Cent dhe Robin Thicke.
Përveç aktivitetit me yjet e muzikës, Katrina punon si grimiere dhe stiliste në një sallon bukurie në Birmingham, Michigan, ku njihet për profesionalizmin dhe stilin unik.
Vetë Eminem — emri i vërtetë Marshall Bruce Mathers III — ka preferuar gjithmonë të ruajë jetën private larg syrit të publikut. Ai ka qenë i martuar më parë dhe i divorcuar dy herë me ish-bashkëshorten e tij Kim Scott, me të cilën ka një vajzë, Hailie Jade, 29 vjeçe.
Edhe pse as reperi dhe as përfaqësuesit e tij nuk kanë bërë ende një deklaratë zyrtare, fansat në rrjetet sociale janë të bindur se kjo është një nga lidhjet më të rëndësishme të Eminem pas shumë vitesh, dhe nuk kanë munguar urimet dhe reagimet pozitive për çiftin e ri që ka ngjallur kuriozitet.
