Një ngjarje e pazakontë për vendin tonë është zbërthyer së fundmi nga Policia e Tiranës, ku dy shtetas shfrytëzoheshin për prostitucion.
Sipas njoftimit të uniformave blu mësohet se një 31-vjeçar dhe një 19-vjeçar, të dy shtetas të huaj, shfrytëzoheshin për prostitucion nga një tjetër shtetas me ininciale G.J, 29 vjeç.
Në kuadër të këtij operacioni në pranga ra 31-vjeçari, D.C dhe tutori, ndërsa i riu tjetër është proceduar në gjendje të lirë.
Nga hetimet ka rezultuar se shtetasi nga Venezuela shfrytëzonte për prostitucion, dy shtetasit e tjerë, të cilët kishin ardhur nga vende të ndryshme, në Shqipëri, ishin akomoduar në një banesë me qira, në rrugën “Kongresi i Tiranës”, dhe nëpërmjet një faqeje në internet, krijonin kontakte me njerëz të ndryshëm, për të ushtruar prostitucionin, kundrejt pagesave 150-300 euro.
Policia po bijon puna për identifikimin e shtetasve të tjerë të përfshirë në këtë veprimtari kriminale.
Njoftimi i plotë i Policisë:
Tiranë
Finalizohet operacioni policor i koduar “ET-1”, për goditjen e një rrjeti prostitucioni.
Operacioni u zhvillua nga Seksioni për Hetimin e Trafiqeve në DVP Tiranë, në bashkëpunim me Komisariatin e Policisë Nr. 3.
Vihet në pranga 1 shtetas nga Venezuela, organizator i rrjetit të prostitucionit, në Tiranë.
Vihet në pranga 1 shtetas tjetër i huaj dhe procedohet penalisht një 19-vjeçar, që kishin ardhur në Shqipëri, për të ushtruar prostitucion.
DVP Tiranë, në bashkëpunim me Komisariatin e Policisë Nr. 3, në vijim të punës për goditjen e paligjshmërive, organizuan dhe finalizuan operacionin policor të koduar “ET-1”, si rezultat i të cilit u bë arrestimi i shtetasve G. J., 29 vjeç, dhe D. C., 31 vjeç, dhe u procedua në gjendje të lirë shtetasi A. S., 19 vjeç, të tre banues provizorë në Tiranë.
Nga veprimet hetimore ka rezultuar se shtetasi G. J. shfrytëzonte për prostitucion, dy shtetasit e tjerë, të cilët kishin ardhur nga vende të ndryshme, në Shqipëri, ishin akomoduar në një banesë me qira, në rrugën “Kongresi i Tiranës”, dhe nëpërmjet një faqeje në internet, krijonin kontakte me njerëz të ndryshëm, për të ushtruar prostitucionin, kundrejt pagesave 150-300 euro.
Vijon puna për identifikimin e shtetasve të tjerë të përfshirë në këtë veprimtari kriminale.
Materialet procedurale i kaluan Prokurorisë.
