Banjo nuk është thjesht një vend për higjienë personale. Sipas një sondazhi të kryer në Mbretërinë e Bashkuar, ajo po shndërrohet në një strehë të vogël për qetësinë mendore, veçanërisht për burrat.
Statistikat tregojnë se shumë prej tyre e shfrytëzojnë këtë hapësirë jo për arsye praktike, por për të gjetur pak paqe në një shtëpi të zhurmshme. Në fakt, mesatarisht burrat kalojnë rreth shtatë orë në vit duke u “fshehur” në banjo, vetëm për të rifituar qetësinë dhe ekuilibrin.
BANJO – MË SHUMË SE NJË NEVOJË BIOLOGJIKE
Një e treta e të anketuarve pranuan se përdorimi i banjos shpesh nuk lidhet me domosdoshmërinë, por me nevojën për të pasur disa minuta vetëm për veten. Një derë e mbyllur me çelës bëhet sinonim i privatësisë, ku as fëmijët, as partnerët dhe as zhurmat e përditshme nuk arrijnë të hyjnë.
NJË “BUTON RESET” I THJESHTË, POR EFEKTIV
Ky ritual i vogël shërben si një “reset button” emocional. Vetmia, edhe për disa minuta, ndihmon për të ulur stresin, për të rregulluar humorin dhe për të marrë frymë thellë përpara se të rikthehesh në rutinë. Ky fenomen tregon se madje edhe hapësirat më të vogla mund të ofrojnë lehtësim të madh mendor.
ÇFARË TREGON KJO PËR SHOQËRINË?
Fakti që burrat kërkojnë qetësi në banjo, tregon nevojën në rritje për hapësira personale brenda shtëpisë moderne. Në një botë ku ritmi është gjithnjë e më intensiv, një “arratisje” e vogël mund të bëhet ilaçi i përditshëm për shëndetin mendor.
