Një ngjarje e rëndë është regjistruar në fshatin Portez të Fierit, ku një 40-vjeçar është gjetur i pajetë në banesën e tij, i qëlluar me armë zjarri.
Viktima është identifikuar si Taulant Halka, punëtor ndërtimi dhe baba i dy fëmijëve.
Paraprakisht dyshohet për vetëvrasje, ndërsa autoritetet po vijojnë hetimet për zbardhjen e plotë të rrethanave.
Sipas burimeve policore viktima jetonte në Vlorë dhe kishte konflikte me bashkëshorten, e cila ka kërkuar urdhër mbrojtje. Ai është larguar në Portëz te shtëpia e prindërve dhe në kushte depresive dyshohet se është vetëvrarë.
Sipas të dhënave parapake Taulant Halka, i lindur në Korçë dhe banues në fshatin Portez në a Fier, është vetëvrarë me armë gjahu çifte në dhomën e gjumit. Çiftja ishte në pronësi të babait të tij dhe e kishte me leje.
“Rreth orës 19:15, në fshatin Portëz, Fier, dyshohet se është vetëvrarë me armë gjahu, në banesën e tij, shtetasi T. H., rreth 40 vjeç.
Arma u sekuestrua në cilësinë e provës materiale.
Grupi hetimor ndodhet në vendngjarje dhe po punon për zbardhjen e plotë të rrethanave të rastit”, bën me dije Policia.
